మేఘాల మాటు నుండి తొంగి చూడకుమా...నీ అరకొర వాడి చూపులకు నిలువలేకున్నా...
ఎందున నిలిపినా.. నామనస్సు పరిగీడుతుంది నీయందే...
నిలువని నా మనస్సు నా భవితను భగ్నం చేస్తుంది...
ఇంద్రధనస్సు వర్ణాలకి మయూరిలా నాట్యం చేయకుమా...
నీ వయ్యారి నడక హొయసోయగాలు...
నా మది కదిలికలకు మూలకారణాలు...
నా జీవితపుగమ్యపు వినాశనాలు...
ఆమనిలో కూసే కోయిలవి కాకుమా...
నీమాట, పాటల చతురతకు ముగ్దుడనవుతున్నా....
నీ వలపు తలపులలో..
తల్లి తలంపులను వమ్ము చేస్తున్నా...
వసంతపు పూల అత్తరులను వెదజల్లకుమా...
నీ పరిమళాల మత్తులో చిత్తునవుతున్నా...
ఆ మతి భ్రమణలో...
జీవితపు లక్ష్యాలను చేరలేకున్నా...
కలల ప్రపంచములో తేలియాడితే...
నాన్న కలలు కల్లలవుతున్నాయి...
అమ్మ ఆశలు అడియాశలవుతున్నాయి...
అస్థిర జీవిత పయనమవుతుంది...
అందుకే తొలగిపో..
నా హృదయం నుండి తొలగిపో నేస్తమా...
No comments:
Post a Comment